Белаазёрск
Горад у Бярозаўскім раёне Брэсцкай вобласці Беларусі. Па дадзеных на 1 студзеня 2021 года насельніцтва горада склала 11115 чалавек. Белаазёрск вырас побач з Бярозаўскай ДРЭС і з'яўляецца адным з самых маладых гарадоў Беларусі. Унікальнасць Белаазёрска ў тым, што яго цэнтр быў забудаваны за параўнальна кароткі час у канцы 1950-х і першай палове 1960-х гадоў. Яго планіроўка складаецца з вуліц, якія перасякаюцца пад прамым вуглом, а жылыя і грамадскія будынкі вытрыманы ў адным стылі. Няхай архітэктура Белаазёрска і не адрозніваецца асаблівай вытанчанасцю, многім прагулка па гэтым горадзе напэўна здасца цікавай.